Այն ամենը, ինչ տեղի է ունենում Վրաստանում, այդ երկրի ներքին գործն է, Ռուսաստանը չի պատրաստվում միջամտել այդ գործընթացներին, ասել է ՌԴ նախագահի մամուլի քարտուղար Դմիտրի Պեսկովը։
«Այն, ինչ տեղի է ունենում Վրաստանում, Վրաստանի ներքին գործն է, մենք չենք միջամտել և չենք միջամտելու այդ գործընթացներին», - ասել է Պեսկովը։
Ընդդիմության բողոքի հերթական շարքը Վրաստանում սկսվել է հինգշաբթի այն բանից հետո, երբ վարչապետ Իրակլի Կոբախիձեն հայտարարեց Եվրամիությանը երկրի անդամակցության շուրջ բանակցությունների մեկնարկի քննարկումը մինչև 2028 թվականը դադարեցնելու որոշման մասին։
Ցուցարարներն օգտագործել են ճայթրուկներ, քարեր, շշեր, հաղորդվել է, որ ջարդերի վայրում հայտնաբերվել են Մոլոտովի կոկտեյլներ։ Անվտանգության ուժերը պատասխանում են՝ օգտագործելով հատուկ տեխնիկա, այդ թվում՝ ջրցան մեքենաներ։
