Deutsche Welle - Ռումինիայի խորհրդարանական ընտրություններում քվեաթերթիկների մոտ 98 տոկոսը մշակելուց հետո ցուցակը գլխավորում է արևմտամետ PSD-ն՝ հավաքելով ձայների 23 տոկոսը։
Կիրակի օրը՝ դեկտեմբերի 1-ին, Ռումինիայի խորհրդարանական ընտրություններում տեղամասերի փակվելուց հետո երկրի իշխող Սոցիալ-դեմոկրատական կուսակցությունը (PSD) հավաքում է ամենաշատ ձայները հրապարակման պահին։ Առցանց ձայների հաշվարկի տվյալների համաձայն՝ քվեաթերթիկների մոտ 98 տոկոսը մշակելուց հետո PSD-ն ստանում է 23,07 տոկոսը։ Նրան հաջորդում է ծայրահեղ աջ «Ռումինացիների միասնության դաշինքը» (AUR)՝ ձայների 18 տոկոսով, երրորդ տեղում է աջ կենտրոնամետ Ազգային ազատական կուսակցությունը՝ 14,55 տոկոսով։
Նախապես հայտարարված exit poll-երի համաձայն՝ PSD-ն ստացել է ձայների 26%-ը, AUR-ը՝ 19%-ը։ Այնուամենայնիվ, բոլոր ծայրահեղ աջ կուսակցությունները հասել են մեծ հաջողությունների, նշում են փորձագետները. նրանց ընդհանուր արդյունքը կազմել է մոտ 30%: Եթե ընտրությունների վերջնական արդյունքները հաստատվեն exit poll-ով, ապա PSD-ի գլխավորած արևմտամետ կոալիցիան, ամենայն հավանականությամբ, բավականաչափ տեղեր կստանա խորհրդարանում կառավարություն ձևավորելու համար: Ռումինիայի սոցիալ-դեմոկրատ վարչապետ Մարսել Չիոլակուն իր exit poll-ի մեկնաբանություններում ասել է, որ երկիրը պետք է շարունակի իր եվրոպական ուղին՝ «պաշտպանելով իր ինքնությունը, ազգային արժեքները և հավատքը»։
