Թուրքիայի Անթալիա քաղաքում կոշտ վայրէջքից հետո բռնկված Superjet 100 ինքնաթիռի օդաչուները կշարունակվեն հարցաքննվել։ Այս մասին գրում է Life-ը՝ SHOT Telegram ալիքին հղումով։
Ինքնաթիռի հրամանատար Անդրեյ Պրյադկինը հայտնել է, որ օդաչուները շուտով կհարցաքննվեն ավիացիոն ծառայությունների ներկայացուցիչների կողմից, իսկ մինչ այդ նրանք հարցաքննվել են թուրքական ոստիկանության կողմից։
Նոյեմբերի 24-ի երեկոյան Թուրքիայի օդանավակայանում վայրէջք կատարելիս Superjet 100 ինքնաթիռը բռնկվել է։ Ինքնաթիռը Սոչիից Անթալիա էր թռչում։ Ինքնաթիռը վայրէջք է կատարել բարդ եղանակային պայմաններում։
Հրդեհը սկսվել է վայրէջքից անմիջապես հետո։ Ականատեսները պատմել են, որ վայրէջքի ժամանակ սուր հարված են զգացել, իսկ հետո տեսել են, որ ինքնաթիռից վառելիք է թափվում։ Թուրքիայի օդանավակայանի ներկայացուցիչը հայտնել է, որ ինքնաթիռի շարժիչը բռնկվել է։
