Վրաստանի ՆԳՆ աշխատակիցներն ամբողջությամբ փակել են Թբիլիսիում խորհրդարանի շենքի ծառայողական մուտքեր տանող փողոցները։ Այս մասին դեպքի վայրից հայտնում է ՏԱՍՍ-ի թղթակիցը։
ՆԳՆ աշխատակիցները, այդ թվում՝ հատուկ նշանակության ջոկատի ներկայացուցիչները, տեղակայված են խորհրդարանի շենքի երկու կողմերում, ինչպես նաև դրա հետևում գտնվող այգում։
Լրատվամիջոցների ներկայացուցիչներին դեռ թույլ չեն տալիս մտնել շենք։
Խորհրդարանական ընտրությունների արդյունքում ձևավորված 11-րդ գումարման խորհրդարանը պետք է գումարի երկուշաբթի առաջին նիստը, որտեղ կընտրեն խոսնակին, փոխխոսնակներին և օրենսդիր մարմնի հանձնաժողովների ղեկավարներ:
Ընդդիմությունն ու նրա համախոհները, որոնք դեմ են ընտրությունների արդյունքներին, կիրակի օրվանից հանրահավաք են անցկացնում։ Նրանք գիշերել են Ռուսթավելի պողոտայի վրաններում։
