Անհայտ անօդաչու թռչող սարքեր են նկատվել Մեծ Բրիտանիայում ԱՄՆ ռազմաօդային ուժերի երեք բազաների վրայով թռչելիս, հայտնում է Guardian-ը՝ հղում անելով Եվրոպայում ԱՄՆ զինված ուժերի ներկայացուցչին։
«Մենք կարող ենք հաստատել, որ փոքր անօդաչու թռչող սարքերը նկատվել են RAF Lakenheath, RAF Mildenhall և RAF Feltwell ռազմաբազաների տարածքների վրա նոյեմբերի 20-ից 22-ը:
Թերթի տվյալներով՝ ԱՄՆ ռազմաօդային ուժերը, որոնք օգտագործում են այդ բազաները, դեռ չեն որոշել՝ արդյոք այդ սարքերը կարելի է թշնամական համարել։ Միաժամանակ կարևոր ենթակառուցվածքները և բնակիչները չեն տուժել։
Բրիտանացի պաշտպանության պաշտոնյան հրաժարվել է մեկնաբանել իրավիճակը:
