Աստանայում Հավաքական անվտանգության խորհրդի նիստում Ռուսաստանը ՀԱՊԿ գործընկերների հետ կքննարկի Ռուսաստանի Դաշնության վրա արևմտյան հեռահար զինատեսակների հարձակումների թեման։ Այս մասին հայտնում է ՏԱՍՍ-ը։
Գործակալության զրուցակիցը նշել է, որ ՌԴ նախագահ Վլադիմիր Պուտինի՝ Ղազախստան այցի ընթացքում կքննարկվեն նաև ուկրաինական ճգնաժամի բոլոր ասպեկտները։ Նա հիշեցրել է, որ Ռուսաստանն ու Ղազախստանը դաշնակիցներ են, և երկրների միջև պայմանավորվածություն կա փոխադարձ աջակցություն ցուցաբերել այլ երկրների կողմից ագրեսիայի դեպքում։
Պուտինի պետական այցը Ղազախստան կկայանա նոյեմբերի 27-ին։ Հաջորդ օրը նա կմասնակցի ՀԱՊԿ գագաթնաժողովին, որտեղ Ղազախստանը նախագահում է 2024 թվականի հունվարի 1-ից։ ՀԱՊԿ-ը տարածաշրջանային միջպետական կազմակերպություն է, որը ներառում է Հայաստանը, Բելառուսը, Ղազախստանը, Ղրղզստանը, Ռուսաստանը և Տաջիկստանը։
ՀԱՊԿ-ի հիմնական նպատակը անդամ երկրներին արտաքին զինված հարձակումներից պաշտպանելն է։
