Ճապոնական Science Co-ն ներկայացրել է մարդկանց համար նախատեսված լվացքի մեքենայի նախատիպը։ Սարքը, որը կոչվում է Mirai Ningen Sentakuki, ունակ է մարդուն լվանալ և չորացնել 15 րոպեում, հայտնում է Asahi-ն։
Սարքը խցիկ է, որը լցվում է ջրով, երբ օգտատերը նստում է դրա մեջ։ Ներկառուցված սենսորները չափում են զարկերակային և այլ կենսաբանական պարամետրեր՝ ապահովելով ջրի հարմարավետ ջերմաստիճան:
Արտադրողը նախատեսում է սարքը փորձարկել հաջորդ տարվա ապրիլին: Ակնկալվում է, որ մինչև ութ հոգի կկարողանա օգտվել օրական 15 րոպե տևողությամբ լվացման և չորացման ծառայությունից՝ նախապես ամրագրելուց հետո: Թե որքան կարժենա նման լվացքի մեքենան, չի նշվում։
«Մարդու լվացքի մեքենայի» գաղափարն առաջին անգամ ներկայացվել է 1970 թվականին Ճապոնիայի համաշխարհային ցուցահանդեսում Sanyo Electric Co-ի կողմից, սակայն սարքը կոմերցիոն հաջողություն չի ունեցել:
