Al Arabiya. ՀԱՄԱՍ-ը Քաթարից հեռանալու պահանջով ծանուցումներ չի ստացել

20.11.2024 17:48 | Կատեգորիա Համաշխարհային

Պաղեստինյան ՀԱՄԱՍ շարժման ղեկավարությունը պաշտոնական ծանուցումներ չի ստացել Կատարի իշխանություններից՝ Կատարի տարածքը լքելու պահանջով։ Այս մասին հայտնում է Al Arabiya հեռուստաալիքը՝ վկայակոչելով շարժման աղբյուրին։ «Քաթարը մեզ պաշտոնապես չի տեղեկացրել երկիրը լքելու անհրաժեշտության մասին»,- նշել է հեռուստաալիքի զրուցակիցը։ Նա հավելել է, որ ՀԱՄԱՍ-ը, այնուամենայնիվ, «դիտարկում է բոլոր տարբերակները» հետագա զարգացումների համար։

Աղբյուրի տեսանկյունից՝ «ԱՄՆ-ն մեծացնում է ճնշումը ՀԱՄԱՍ-ի վրա՝ թուլացնելու համար շարժման դիրքերը Գազայի հատվածում հրադադարի շուրջ բանակցություններում Նոյեմբերի 9-ին բրիտանական Financial Times-ը հայտարարություն էր տարածել, որ Կատարը գտնվում է ԱՄՆ ճնշման տակ , և ՀԱՄԱՍ-ի ղեկավարությանը խնդրել էր լքել երկիրը, քանի որ շարժումը բազմիցս մերժել է Գազայում հրադադարի բանակցությունների շրջանակներում իսրայելցի պատանդներին ազատ արձակելու միջնորդների առաջարկները:

Նոյեմբերի 18-ին The Times of Israel-ը, հղում անելով արաբ անանուն դիվանագետի, հայտնել է, որ ՀԱՄԱՍ-ի բարձրաստիճան պաշտոնյաները Քաթարից մեկնել են Թուրքիա այն բանից հետո, երբ Դոհան հայտարարեց Գազայի հատվածի բանակցություններում իր միջնորդական ջանքերը դադարեցնելու մասին: Ավելի ուշ ՀԱՄԱՍ-ը հերքել է այս տեղեկությունը։ Նոյեմբերի 19-ին Կատարի ԱԳՆ խոսնակ Մաջիդ բեն Մուհամմեդ ալ-Անսարին լրագրողների հետ ճեպազրույցում ասել էր, որ ՀԱՄԱՍ-ի քաղբյուրոյի ղեկավարներն այս պահին Դոհայում չեն, սակայն Կատարի մայրաքաղաքում շարժման գրասենյակը փակ չէ։

ՀԱՄԱՍ-ի քաղաքական գրասենյակը Դոհայում գործում է 2012 թվականից, երբ Սիրիայում քաղաքացիական պատերազմի պատճառով շարժման ղեկավարությունը ստիպված եղավ լքել Դամասկոսի կենտրոնակայանը։ Քաթարը քաղաքական ապաստան տրամադրեց ՀԱՄԱՍ-ի առաջնորդներին՝ դառնալով շարժման արտերկրում ներկայացվածության հարթակ։

Մակրոնը մտադիր է Իրանի հետ քննարկել Հորմուզի նեղուցում նավագնացության վերականգնման հարցը