Ադրբեջանի արտաքին գործերի նախարար Ջեյհուն Բայրամովը հայտարարել է, որ Հայաստանի հետ խաղաղության համաձայնագրի նախագծի շուրջ չլուծված հարցերի թիվը նվազել է։«Արմենպրես»-ի հաղորդմամբ՝ այս մասին Ադրբեջանի ԱԳ նախարարը հայտարարել է Հունգարիայի արտաքին գործերի նախարար Պետեր Սիյարտոյի հետ բանակցություններից հետո կայացած մամուլի ասուլիսում։«Մի քանի օր առաջ մենք Հայաստանից ստացանք նոր նախագիծ, պետք է ասեմ, որ համաձայնագրի նախագծի վերաբերյալ բաց հարցերը գնալով նվազում են, այսինքն՝ մենք դրական ենք գնահատում դինամիկան», - նշել է Բայրամովը։Նա նաև հավելել է, որ Ադրբեջանը հավատարիմ է խաղաղության օրակարգին և իր հերթին պատրաստ է ձեռնարկել հաջորդ անհրաժեշտ քայլերը։Ավելի վաղ, «Արմենպրես»-ի հետ զրույցում ՀՀ ԱԳՆ մամուլի խոսնակ Անի Բադալյանը հայտնել էր, որ Հայաստանը պատասխանել է խաղաղության պայմանագրի նախագծի վերաբերյալ Ադրբեջանի վերջին առաջարկներին՝ ուղարկելով լրամշակված 9-րդ խմբագրությունը։
Բայրամովը հայտարարել է, որ Հայաստանի հետ խաղաղության համաձայնագրի նախագծի վերաբերյալ բաց հարցերը գնալով նվազում են
05.06 14:34 |
Կատեգորիա
Համաշխարհային
