Գերմանիայի կանցլեր Օլաֆ Շոլցը կրկին հայտարարել է, որ մտադիր է շարունակել շփումը ՌԴ նախագահ Վլադիմիր Պուտինի հետ։
Ուրբաթ օրը Կրեմլը և Բեռլինը հայտնել են Շոլցի և Պուտինի հեռախոսազրույցի մասին։ Դա տեղի է ունեցել գերմանական կողմի նախաձեռնությամբ։
«Շուտով ես նորից կխոսեմ Ռուսաստանի նախագահի հետ: Այդ մասին հայտարարվել է երկար ժամանակ, և ես նախկինում քննարկել եմ այդ մասին բազմաթիվ մարդկանց հետ զրույցներում», -Welt հեռուստաալիքի փոխանցմամբ՝ ասել է Շոլցը լրագրողներին Ռիո դե Ժանեյրոյում, որտեղ նա ժամանել է G20-ի գագաթնաժողովին մասնակցելու համար:
Ավելի վաղ ՌԴ նախագահի մամուլի քարտուղար Դմիտրի Պեսկովը հայտարարել էր, որ Պուտինի և Շոլցի հեռախոսազրույցը եղել է գործնական, մանրամասն և շատ անկեղծ։
