Լիտվայի ուսումնավարժարանում ԱՄՆ ռազմաօդային ուժերի ռմբակոծիչների և իտալական կործանիչների մասնակցությամբ զորավարժություններ են տեղի ունեցել, հայտնել է Լիտվայի ազգային պաշտպանության նախարարության մամուլի ծառայությունը։
«Նոյեմբերի 15-ին Կազլու-Ռուդայում ցամաքային թիրախները ոչնչացվել են օդային հարվածներով մոտ 6 կիլոմետր բարձրությունից: Ամերիկյան B-52 Stratfortress հեռահար ռազմավարական ռմբակոծիչները նետել են լազերային կառավարվող ռումբեր, իտալական EF2000 «Eurofighter» կործանիչները ուղիղ հարվածել են հրթիռներով»,- ասվում է հաղորդագրության մեջ։
Հսկողությունը ցամաքից իրականացրել են Լիտվայի բանակի հատուկ գործողությունների ուժերի և ցամաքային զորքերի զինծառայողները՝ կրակային աջակցության միացյալ վարչության մասնագետները, հավելել են նախարարությունից։
Նշվում է, որ «Լիտվայի վրայով այս նախապես համակարգված օդային գործողությունը հանդիսանում է Vanguard Merlin զորավարժությունների մի մասը, որը կազմակերպել են Եվրոպայում ԱՄՆ-ի ռոտացիոն ուժերը՝ համաձայն մարտավարական զորավարժությունների սցենարի, որը մշակվել է 603-րդ օդային օպերացիոն կենտրոնի թիմի հետ: ԱՄՆ ռազմաօդային ուժերի և ռմբակոծիչների անձնակազմից նրանք սովորել են ոչնչացնել թիրախները գետնին և պաշտպանել բարեկամ ուժերին լայնածավալ հակամարտության ժամանակ»:
