Եվրասիական տնտեսական հանձնաժողովի կոլեգիայի ղեկավար Բակիտժան Սագինտաեւը տեղեկացրել է, որ Իրանը ԵԱՏՄ դիտորդ երկրի կարգավիճակ ստանալու հայտ է ներկայացրել։«Հայտն ստացվել է մայիսի 27-ին, սկսում ենք համապատասխան ընթացակարգեր»,- ասել է Սագինտաեւը երեքշաբթի, Եվրասիական միջկառավարական խորհրդի նիստում։Բելառուսի վարչապետ Ռոման Գոլովչենկոն անհրաժեշտ է համարում երկրների եւ տարածաշրջանային առեւտրային միավորումների ցուցակի ստեղծումը, որոնց հետ ԵԱՏՄ-ն նպատակահարմար է, որ սկսի համաձայնագրեր կնքել ազատ առեւտրի գոտու մասին։ Նա ընդգծել է, որ այսօր աշխարհում շատ են պետությունները, որոնք պատրաստ են համագործակցել ԵԱՏՄ-ի հետ։ Դրանք են, նախ եւ առաջ, Ինդոնեզիան, ԱՄԷ-ն եւ Մոնղոլիան։ԵԱՏՄ միջկառավարական խորհրդի հաջորդ նիստը կկայանա սեպտեմբերի վերջին։
Իրանը ԵԱՏՄ-ում դիտորդ երկրի կարգավիճակ ստանալու հայտ է ներկայացրել
04.06 13:56 |
Կատեգորիա
Համաշխարհային
