Հաագայի դատարանն այսօր հրապարակեց « Հայաստանն ընդդեմ Ադրբեջանի» գործով Ադրբեջանի ներկայացրած նախնական առարկությունների վերաբերյալ վճիռը։
Դատարանը մերժեց Բաքվի ներկայացրած նախնական 2 առարկությունները՝ այս գործի շրջանակում: Իր դիմումում Հայաստանը պնդում էր, որ Ադրբեջանը խախտել է «Ռասայական խտրականության բոլոր ձևերի վերացման մասին» կոնվենցիայի դրույթները՝ իրականացնելով ռասայական խտրականության պետական քաղաքականություն։
Հայատյացության հետևանքով հայերը ենթարկվել են զանգվածային սպանությունների, խոշտանգումների, բռնությունների։ Ադրբեջանի առարկությունները վերաբերում էին Հաագայի դատարանի իրավասությանը, նշվում էր նաև, թե «Հայաստանի որոշ պահանջներ դատարանի իրավազորության ներքո չեն՝ առարկայական իրավազորության շրջանակում ՌԽՎԿ-ի 22-րդ հոդվածի համաձայն»:
Այս առարկությունները մերժվել են։
