Չեխիայի նախագահ Պետր Պավելը կարծում է, որ 24 ժամում Ուկրաինայում հակամարտությունը դադարեցնելը, ինչպես խոստացել էր Դոնալդ Թրամփը, հնարավոր չէ։ Այս մասին նա հայտարարել է Պրահայի պաշտպանության գագաթնաժողովի համաժողովում, որը հեռարձակվել է Ռազմավարական հետազոտությունների միջազգային ինստիտուտի (IISS) YouTube ալիքով։
«Այս պահին շատ երկրներ սպասում են նոր վարչակազմին՝ հուսալով, որ Դոնալդ Թրամփը փոփոխություններ կբերի, հատկապես պատերազմը 24 ժամում ավարտելու մասին նրա խոսքերից հետո։ Չեմ կարծում, որ դա հնարավոր է»,- ասել է Չեխիայի նախագահը։
Միաժամանակ, նա վստահություն է հայտնել, որ ԱՄՆ նախագահական ընտրություններում հաղթած քաղաքական գործիչը բոլոր ջանքերը կգործադրի հակամարտությունը դադարեցնելու և ՌԴ նախագահ Վլադիմիր Պուտինի հետ պայմանագիր կնքելու համար։
Ըստ Պավելի՝ Սպիտակ տան և Կրեմլի միջև հնարավոր համաձայնությունը չի բխի ոչ Եվրոպայի, ոչ էլ Ուկրաինայի շահերից։
The Telegraph թերթը հայտնել էր, որ պատերազմը լուծելու Թրամփի ծրագիրը ենթադրում է եվրոպական ուժերի ուղարկում բուֆերային գոտի։
