Լեհաստանը դեմ չէ, որ Ուկրաինան իր մատակարարած զենքով հարվածի Ռուսաստանի տարածքի օբյեկտներին

29.05 14:53 | Կատեգորիա Քաղաքական

Լեհաստանի պաշտպանության նախարարի տեղակալ Ցեզարի Տոմչիկը հայտարարել է, որ Ուկրաինան պետք է իրավունք ունենա արևմտյան զենքերն օգտագործել Ռուսաստանի տարածքում գտնվող թիրախներին հարվածելու համար։ «Արմենպրես»-ի փոխանցմամբ՝ այս մասին հաղորդում է RBC-Ukraine պարբերականը։«Ռուսաստանն այսօր անում է այն, ինչ ուզում է, մինչդեռ որոշ երկրներ սահմանափակում են Ուկրաինային․ սա պետք է դադարի: Լեհաստանի դիրքորոշումը պարզ է՝ Ուկրաինան պետք է կարողանա պայքարել իր ստացած տեխնիկայով, և Լեհաստանը չի առարկում դրա դեմ», - ասել է նա՝ ընդունելով, որ քիչ երկրներ են կիսում այս դիրքորոշումը։Վերջին շաբաթներին Արևմտյան երկրներն ակտիվորեն քննարկում են այն, որ Ուկրաինային պետք է թույլ տալ արևմտյան զենքերով հարվածել Ռուսաստանի տարածքում գտնվող ռազմական օբյեկտներին։ԵՄ դիվանագիտության ղեկավար Ժոզեպ Բորելը ԵՄ երկրներին կոչ է արել Կիևին թույլ տալ արևմտյան զենքերով հարվածել Ռուսաստանին, քանի որ, ըստ նրա, Մոսկվան Ուկրաինային հարվածում է Ռուսաստանի տարածքից, հետևաբար, միջազգային օրենքի տեսանկյունից դա ընդունելի է։Ինչպես ավելի վաղ հայտնել էր «Արմենպրես»-ը, ՆԱՏՕ-ի գլխավոր քարտուղար Յենս Ստոլտենբերգը ՆԱՏՕ-ի Խորհրդարանական վեհաժողովի նստաշրջանում արևմտյան երկրներին կոչ է արել վերանայել Ուկրաինայի կողմից Ռուսաստանի տարածքին իրենց մատակարարած զենքերով հարվածելու սահմանափակումները։Արձագանքելով այս հայտարարություններին՝ ՌԴ նախագահ Վլադիմիր Պուտինը եվրոպական երկրների ուշադրությունը հրավիրել է այն փաստի վրա, որ նրանց տարածքը փոքր է և խիտ բնակեցված։«Դա գործոն է, որը նրանք պետք է հաշվի առնեն՝ նախքան Ռուսաստանի տարածքի խորքում հարվածներ հասցնելու մասին խոսելը», - Պուտինի խոսքերն է մեջբերում ՏԱՍՍ-ը։

Ամենաշատ կարդացվածներ

«Արտաշատի» ԲԿ-ի շուրջ սկանդալային զարգացումներ են

22.11 12:59 | Կատեգորիա Հասարակություն

Գերմանիայի արտգործնախարարը ամուսնալուծվել է

23.11 01:00 | Կատեգորիա Համաշխարհային

ՌԴ ՊՆ-ն հրապարակել է Դնեպրի օդանավակայանում Ուկրաինայի զինված ուժերի` ՄիԳ-29 ինքնաթիռի կործանման կադրերը

23.11 17:29 | Կատեգորիա Համաշխարհային

Փաշինյան ասաց` ՀՀ–ն որ դեպքում կհրաժարվի Բաքվի դեմ հայցերից

23.11 00:29 | Կատեգորիա Քաղաքական

Մոտ 1 միլիարդ դրամի չարաշահու՞մ. «Արտաշատի» ԲԿ-ի շուրջ սկանդալային զարգացումներ են (տեսանյութ)

22.11 20:00 | Կատեգորիա Հասարակություն

Հաջորդիվ որ հատվածում սահմանազատում կիրականացվի

23.11 00:40 | Կատեգորիա Քաղաքական

Դա միանձնյա որոշում է եղել․ SMS–ով եմ խնդրել հրաժարական տալ․ Փաշինյան

22.11 22:44 | Կատեգորիա Քաղաքական

Ապագան հասավ Գեղարքունիքի բժշկական ամբուլատորիաներ. Անուշ Պողոսյան

24.11 14:38 | Կատեգորիա Հասարակություն

Բաքուն «ադրբեջանական Երևան» միջոցառում է անցկացնելու COP29-ի շրջանակներում. Factor.am

22.11 15:11 | Կատեգորիա Հասարակություն

ՈՒՂԻՂ