Չեմպիոնների լիգայի 2026/27 մրցաշրջանի որակավորման երրորդ փուլի առաջին խաղում Հայաստանի գործող չեմպիոն «Արարատ-Արմենիան» հաղթանակ է տարել Սլովենիայի չեմպիոն «Ցելյեի»-ի նկատմամբ՝ 2։1 հաշվով։
Վազգեն Սարգսյանի անվան «Հանրապետական» մարզադաշտում կայացած հանդիպման ընթացքում հյուրերը հաշիվը բացել են 22-րդ րոպեին՝ Սվիտ Սեսլարի իրացրած 11 մետրանոցի շնորհիվ։
Առաջին խաղակեսի 38-րդ րոպեին Հայաստանի ազգային հավաքականի կիսապաշտպան Արթուր Սերոբյանը տուգանայինից կատարած հեռահար հարվածով հավասարեցրել է հաշիվը։
Երկրորդ խաղակեսում «Արարատ-Արմենիային» հաջողվել է առաջ անցնել։ 70-րդ րոպեին գոլի հեղինակ է դարձել Կառլոս Ֆրանսան՝ ձևակերպելով հանդիպման վերջնական հաշիվը՝ 2։1։
Այս հաղթանակը պատմական է հայկական ակումբային ֆուտբոլի համար, քանի որ Չեմպիոնների լիգայի որակավորման երրորդ փուլում մինչ այս հայկական ոչ մի ակումբ չէր կարողացել հաղթանակ գրանցել։
