Մեծ Բրիտանիան հայտնել է իր ափերի մոտ ռուսական ռազմածովային ակտիվության կտրուկ աճի մասին, հաղորդում է Express-ը։
Մեծ Բրիտանիայի պաշտպանության նախարարության տվյալներով՝ վերջին երկու տարիների ընթացքում բրիտանական ջրային տարածքներ ռուսական ռազմանավերի այցելությունների թիվն աճել է գրեթե 30%-ով։
Եվ անցյալ տարվա ընթացքում Թագավորական նավատորմը 116 ուղեկցող և հսկողության առաքելություն է իրականացրել «ստվերային նավատորմին» պատկանող գրեթե 90 ռուսական ռազմանավերի, սուզանավերի և տանկերների դեմ։
Այս ֆոնին Մեծ Բրիտանիան հայտարարել է 1,5 միլիարդ ֆունտ ստեռլինգի ներդրման մասին իր նավատորմի ամրապնդման և անօդաչու նավատորմային համակարգերի զարգացման համար։
