Ամերիկացի միլիարդատեր, ձեռնարկատեր Իլոն Մասկը հայտարարել է, որ աշխարհի խոշորագույն տնտեսությունները գտնվում են անհետացման ճանապարհին՝ ցածր ծնելիության մակարդակի պատճառով։
«ԵՄ 27 երկրներից 21-ում մահացության մակարդակը գերազանցում է ծնելիության մակարդակը։ Նրանք վաղուց են անհետացման եզրին», - գրել է Մասկը իր սոցիալական ցանցերի էջում։
Մասկը մեկնաբանում էր Financial Times-ի կողմից հրապարակված ՄԱԿ-ի վիճակագրությունը աշխարհի խոշորագույն տնտեսություններում, մասնավորապես՝ Ֆրանսիայում, Գերմանիայում, Իտալիայում, Ճապոնիայում, Հարավային Կորեայում և Միացյալ Նահանգներում ծնելիության մակարդակի վերաբերյալ, որը ցույց է տալիս ծնելիության մակարդակի անկում 1950-ական թվականներից ի վեր։
