Ուկրաինայի նախագահ Վլադիմիր Զելենսկին հեռախոսազրույց է ունեցել ԱՄՆ նորընտիր նախագահ Դոնալդ Թրամփի հետ։
«Ես հիանալի զրույց ունեցա նախագահ Թրամփի հետ, ես շնորհավորեցի նրան պատմական ջախջախիչ հաղթանակի կապակցությամբ. նրա անհավատալի քարոզարշավը հնարավոր դարձրեց այս արդյունքը, մենք պայմանավորվեցինք պահպանել սերտ երկխոսությունը և զարգացնել մեր համագործակցությունը», – գրել է Զելենսկին X-ի իր էջում:
ԱՄՆ-ի ընտրությունների քվեարկությունն ավարտվել է նոյեմբերի 6-ի առավոտյան՝ Մոսկվայի ժամանակով։
Պաշտոնական արդյունքները դեռ չեն ամփոփվել, սակայն, Fox News-ի տվյալներով, Թրամփը հավաքել է 277 ընտրական ձայն՝ անհրաժեշտ 270-ով։ Նա արդեն իրեն հռչակել է ԱՄՆ 47-րդ նախագահ։
