Դոնալդ Թրամփի նախագահի պաշտոնում վերընտրվելով՝ Ուկրաինան կարող է շուտով ստիպված լինել հարմարվել ԱՄՆ-ի աջակցության կտրուկ անկմանը, ինչը կարող է վճռական ազդեցություն ունենալ Ռուսաստանի հետ պատերազմի վրա, գրում է CNN-ը։
Լրատվամիջոցն ընդգծում է, որ իրենց նախընտրական քարոզարշավի ընթացքում հանրապետական նորընտիր նախագահը և նրա փոխնախագահի թեկնածու Ջեյ Դի Վենսը Կիևի նկատմամբ ԱՄՆ-ի շարունակական հավատարմության վերաբերյալ լուրջ կասկածներ է հայտնել։
Ավելին, Թրամփի մեկնաբանություններից կարելի է ենթադրել, որ Միացյալ Նահագները կարող է ճնշում գործադրել Ուկրաինայի վրա՝ Ռուսաստանի հետ դժվարին զինադադար կնքելու համար:
Թրամփի հաղթանակը Կիևի համար հակամարտության դժվարին պահին եղավ. Ռուսաստանը անշեղորեն առաջընթաց է գրանցում արևելյան Դոնբասի տարածաշրջանում, շեշտում է հոդվածի հեղինակ Ջենիֆեր Հանսլերը։
Միևնույն ժամանակ, ըստ ամերիկացի պաշտոնյաների, մոտ 10 հազար հյուսիսկորեացի զինվորականներ Ռուսաստանի Կուրսկի մարզում են և ակնկալվում է, որ առաջիկա օրերին կներգրավվեն Ուկրաինայի դեմ պատերազմում:
Ջո Բայդենի վարչակազմի օրոք ԱՄՆ-ն տասնյակ միլիարդավոր դոլարների օգնություն է տրամադրել Ուկրաինային՝ ինչպես զենքի, այնպես էլ բյուջետային օգնության տեսքով: Վարչակազմը նախատեսում է մինչև Թրամփի պաշտոնավարումը շարունակել Կիևին առավելագույն հնարավոր աջակցություն ցուցաբերել։
Մինչդեռ Թրամփը բազմիցս հայտարարել է, որ Ուկրաինայի և Ռուսաստանի միջև պատերազմը չէր սկսվի, եթե ինքը լիներ նախագահ։ Նա միաժամանակ խոստացել է վերջ տալ պատերազմին, նույնիսկ հայտարարելով, որ վերջ կդնի տասնամյակներ տևած հակամարտությունը նախքան պաշտոնը ստանձնելը:
Սեպտեմբերին փոխնախագահ Քամալա Հարիսի դեմ իր նախագահական բանավեճի ժամանակ Թրամփը հրաժարվել էր հայտարարել, թե հավատարիմ է Ռուսաստանի նկատմամբ Ուկրաինան հաղթանակին: Ավելի ուշ նա ենթադրել է, որ Ուկրաինան պետք է «փոքր-ինչ» զիջի Ռուսաստանին՝ քարոզարշավի միջոցառման ժամանակ հայտարարելով, որ «ցանկացած գործարք, նույնիսկ ամենավատը, ավելի լավ կլիներ, քան այն, ինչ ունենք ներկայում»:
