Պակիստանի արտաքին գործերի նախարար Իշաք Դարը մայիսի 29-ին պաշտոնական այցով կմեկնի Վաշինգտոն, որտեղ կհանդիպի ԱՄՆ պետքարտուղար Մարկո Ռուբիոյի հետ։ Այս մասին հայտարարել է Պակիստանի արտաքին գործերի նախարարությունը։
«Այցի ընթացքում նա (Իշաք Դարը – խմբ) կհանդիպի ԱՄՆ պետքարտուղար և նախագահի ազգային անվտանգության հարցերով օգնական Մարկո Ռուբիոյի հետ՝ երկկողմ հարաբերությունները քննարկելու և փոխադարձ հետաքրքրություն ներկայացնող տարածաշրջանային և գլոբալ հարցերի շուրջ կարծիքներ փոխանակելու համար», – ասվում է Պակիստանի արտաքին գործերի նախարարության հայտարարության մեջ։
Դարը և Ռուբիոն նաև կկենտրոնանան «հիմնական առաջնահերթ ոլորտներում համագործակցության ամրապնդման և Պակիստանի ջանքերի վրա՝ երկխոսության և դիվանագիտության միջոցով տարածաշրջանային խաղաղությունն ու կայունությունը խթանելու համար»։
