Քուվեյթի առողջապահության նախարարության խոսնակ Աբդուլլահ ալ-Սանադը հայտարարել է, որ երկրի հյուսիսում Իրանի իրականացրած հարձակման հետևանքով արկերն ու բեկորները ընկել են բնակելի թաղամասի վրա, վիրավորվել է վեց մարդ:
Այս մասին տեղեկությունը փոխանցում է քուվեյթյան KUNA լրատվական գործակալությունը:
Գործակալության տվյալներով՝ դեպքի վայր են ժամանել շտապօգնության անձնակազմը և համապատասխան ծառայությունները:
«Բոլոր վիրավորներին ցուցաբերվել է անհրաժեշտ բժշկական օգնություն, և նրանց վիճակը կայուն է առանց լուրջ բարդությունների»,- ասվում է հայտարարության մեջ:
Ավելի վաղ Քուվեյթի պաշտպանության նախարարությունը հայտնել էր, որ վերջին 24 ժամվա ընթացքում էմիրության օդային տարածքից հեռացվել են ինը բալիստիկ հրթիռ, չորս թևավոր հրթիռ և 31 անօդաչու թռչող սարք:
