Նոր հետազոտությունը ցույց է տալիս, որ ChatGPT-ն կարող է արագացնել ուսումնառությունը, բայց նվազեցնում է երկարաժամկետ հիշողության արդյունավետությունը։ Ռիո դե Ժանեյրոյի դաշնային համալսարանի ԱԲ մասնագետ Անդրե Բարկաուի անցկացրած փորձարկմանը մասնակցել է 120 ուսանող։ Նրանց կեսը հանձնարարությունը կատարելիս օգտագործել է ChatGPT, մյուս կեսը՝ ոչ։
45 օր անց անցկացված թեստի արդյունքում ChatGPT-ի խմբի միջին միավորը եղել է 5.75/10, իսկ ավանդական մեթոդներով սովորածներինը՝ 6.85/10։ Այս ուսումնասիրությունը փաստում է, որ ԱԲ-ն կարճաժամկետում արագացնում է ուսումը (ChatGPT-ի խմբի ուսանողները ծախսել են միջինում 3.2 ժամ, իսկ մյուս խումբը՝ 5.8 ժամ), սակայն երկարաժամկետ հիշողությունը տուժում է։
Դա տեղի է ունենում, քանի որ ԱԲ-ն նվազեցնում է տեղեկատվությունը յուրացնելու համար անհրաժեշտ մտավոր ջանքերը։ Ուսումնառությունը պետք է համատեղվի ակտիվ մտավոր աշխատանքի հետ, այլապես ուղեղը կորցնում է բնական «մարզվելու» հնարավորությունը։ ChatGPT-ն օգտակար է արագ տեղեկատվություն ստանալու համար, բայց կայուն գիտելիք ձեռք բերելու նպատակով այն պետք է կիրառել զգուշությամբ:
