ԱՄՆ ռազմական գործողությունը Իրանի դեմ մոտենում է իր ավարտին, հակամարտությունն արդեն հասնում է «վերջնագծին», հայտարարել է ԱՄՆ պետքարտուղար Մարկո Ռուբիոն։ «Մենք արդեն տեսնում ենք վերջնագիծը։ Սա (հակամարտության ավարտը) տեղի չի ունենա այսօր կամ վաղը, բայց այն տեղի կունենա։
Մենք կհասնենք այն կետին, երբ մեր զինված ուժերը կհասնեն առաքելության բոլոր նպատակներին», - ասել է նա Fox News-ին տված հարցազրույցում։
ԱՄՆ Պետդեպարտամենտի ղեկավարի խոսքով՝ Վաշինգտոնը ժամանակացույցից առաջ է անցել իր բոլոր նպատակներով, որոնք ներառում են Իրանի ռազմաօդային ուժերի և նավատորմի ոչնչացումը, Իսլամական Հանրապետության պաշտպանական արդյունաբերական համալիրի խափանումը և հրթիռային կայանքների «նշանակալի թվի» վերացումը։
