Կաթնամթերքը մեր սեղանին ամենօրյա «հյուր» է․ առավոտյան սուրճի հետ կաթ, երեխաների համար մածուն կամ յոգուրտ, ընթրիքին՝ պանիր։ Բայց երբ ամեն օր օգտագործվող մթերքի մասին է խոսքը, հարցը դառնում է ոչ միայն համի, այլև՝ առողջության մասին։
Կարևոր է հասկանալ՝ ինչպե՞ս ընտրել այնպիսի կաթնամթերք, որը ոչ միայն համեղ է, այլ նաև անվտանգ ու օգտակար։ Երեմյան կաթնամթերքի հետ այսօր պարզել ենք, թե ինչպիսին պետք է լինի մեր առողջության համար կարևոր կաթնամթերքը։
Ամեն ինչ սկսվում է կաթից
Կաթնամթերքի որակը սկսվում է մեկ պարզ հարցից՝ որտեղի՞ց է կաթը։
Շուկայում հաճախ հանդիպում են արտադրանքներ, որոնք պատրաստվում են տարբեր ֆերմաներից հավաքագրված կաթից։ Առաջին հայացքից տարբերությունը տեսանելի չէ, բայց իրականում նման կաթը կարող է լինել անհամաչափ որակի, ոչ բավարար թարմության և նույնիսկ՝ ոչ լիարժեք սննդային արժեքով։
Իսկ այն արտադրողները, որոնք ունեն սեփական ֆերմա և փակ արտադրական շղթա, կարողանում են վերահսկել ամբողջ գործընթացը՝ սկսած կենդանու խնամքից մինչև պատրաստի արտադրանք։
Այս մոդելով է աշխատում Երեմյան կաթնամթերք ընկերությունը։ Լոռու մարզի Տաշիր համայնքում գտնվող նրանց ֆերմայում պահվում են մաքրացեղ հոլշտեյն կովեր, իսկ կաթի ստացումը իրականացվում է ավտոմատացված և լիովին վերահսկվող պայմաններում։ Սա նշանակում է՝ կաթը չի շփվում արտաքին միջավայրի հետ և պահպանում է իր բնական հատկությունները։
Անվտանգությունը՝ որպես առաջնահերթություն
Վերջին տարիներին սննդի անվտանգության թեման դարձել է ամենաքննարկվողներից։ Եվ դա պատահական չէ․ սպառողը ցանկանում է վստահ լինել, որ իր սեղանին հասնող մթերքը չի վտանգում առողջությունը։
Այս հարցում կարևոր դեր ունեն միջազգային սերտիֆիկացումները, որոնք տրվում են միայն խիստ ստուգումներ անցած արտադրություններին։ Դրանք փաստում են, որ արտադրանքի յուրաքանչյուր փուլ համապատասխանում է անվտանգության բարձր չափանիշների։
Սա հատկապես կարևոր է կաթնամթերքի դեպքում, քանի որ այն արագ փչացող և զգայուն մթերք է։
Կարևոր տեղեկատվություն․ Հայաստանում սննդի անվտանգության FSSC 22000 միջազգային սերտիֆիկացմամբ կաթնամթերքի արտադրություն իրականացնում է Երեմյան կաթնամթերքը։
Երեխաների համար՝ առավել խիստ չափանիշներ
Եթե մեծահասակների դեպքում երբեմն հնարավոր է «ռիսկ անել», ապա երեխաների դեպքում դա բացառվում է։
Ըստ Առողջապահության համաշխարհային կազմակերպություն տվյալների՝ բարձրորակ, անարատ կաթը կարող է ներառվել երեխայի սննդակարգում մեկ տարեկանից հետո։ Բայց կարևոր է, որ այն լինի իսկապես անվտանգ և սննդարար։
Հենց այստեղ են կարևոր դառնում «մանկական կաթ» և «Ա կարգ» նշումները։
Այսպիսի կաթը՝ հարուստ է կալցիումով և վիտամին D-ով, նպաստում է ոսկորների և ատամների ձևավորմանը, աջակցում է իմունային համակարգին, կարևոր է ուղեղի զարգացման համար։
Հայաստանում արդեն կան արտադրողներ, որոնց կաթը ստացել է մանկական օգտագործման վկայական, ինչը լրացուցիչ վստահություն է ներշնչում ծնողներին։
Ծնողների համար ամենամեծ օգնությունը տեղեկատվությունն է․ ընտրել կաթնամթերք, որն ունի մանկական կաթի վկայական։
Բոլոր ծնողներին արդեն հայտնի տեղեկատվություն․ 2025 թվականի փետրվարից Հայաստանում մանկական կաթի վկայական է ստացել Երեմյան կաթնամթերքը՝ Սերմից՝ սեղան հայեցակարգի, սեփական ֆերմայից փակ շղթայով ստացվող Ա կարգի կաթի և սննդի անվտանգության միջազգային սերտիֆիկացման եզակիությամբ։
