ԱՄՆ Կենտրոնական հրամանատարության (CENTCOM) հրապարակած տվյալների համաձայն՝ Իրանի դեմ ռազմական գործողության սկզբից ի վեր Միացյալ Նահանգները վնասել կամ ոչնչացրել է մոտ 50 իրանական ռազմածովային նավ։CENTCOM-ը պնդում է, որ հարվածները ուղղված են Իրանի անվտանգության համակարգի հետ կապված օբյեկտներին՝ առաջնահերթություն տալով այն թիրախներին, որոնք ԱՄՆ զինված ուժերի կողմից գնահատվել են որպես «անմիջական սպառնալիք»։
CENTCOM-ը հայտնել է, որ տուժած օբյեկտների թվում են հրամանատարական կենտրոնները, Իսլամական հեղափոխության պահապանների կորպուսի (IRGC) շտաբ-բնակարանները, հետախուզական օբյեկտները, հակաօդային պաշտպանության համակարգերը, բալիստիկ հրթիռների կայանները, հրթիռների և անօդաչու թռչող սարքերի արտադրության օբյեկտները, ինչպես նաև ռազմական կապի ենթակառուցվածքները։
Գործողությանը մասնակցում են B-1, B-2 և B-52 ռազմավարական ռմբակոծիչներ, F-15, F-16, F-18, F-22 և F-35 կործանիչներ, A-10 գրոհային ինքնաթիռներ, EA-18G էլեկտրոնային պայքարի ինքնաթիռներ, MQ-9 անօդաչու թռչող սարքեր և այլ հետախուզական ու օժանդակ միջոցներ։
