Իրանը կհարվածի ցանկացած տարածքի, որտեղից ամերիկյան ուժերը կհարձակվեն Իսլամական Հանրապետության տարածքի վրա, հայտարարել է Իրանի Մեջլիսի (խորհրդարան) նախագահ Մոհամմադ Բաղեր Ղալիբաֆը։
«Մենք կհարվածենք ցանկացած տարածաշրջանի, որտեղից Միացյալ Նահանգները կհարձակվի մեզ վրա», – ասել է Ղալիբաֆը, ինչպես մեջբերել է «Ալ Ջազիրան»։ Նա հավելել է, որ տարածաշրջանում գտնվող ցանկացած ամերիկյան ռազմական բազա, որտեղից կմեկնարկեն Իրանի վրա հարձակումները, «կդառնա իրանական բանակի թիրախ»։
Ղալիբաֆը այս կապակցությամբ նշել է, որ որոշ հարևան պետություններ «խոստացել են հետևել ամերիկացիների գործողություններին և տեղաշարժերին իրենց տարածքում»։
