Իրանի դեմ ԱՄՆ պատժամիջոցների վերացումը պետք է լինի Թեհրանի միջուկային ծրագրի շուրջ ստեղծված ճգնաժամը լուծելու ցանկացած հնարավոր համաձայնագրի մաս, հայտարարել է Արտաքին գործերի նախարարության խոսնակ Էսմայիլ Բաղային։
«Ինչ վերաբերում է ցանկացած համաձայնագրի կամ գործարքի տարրերին՝ անկախ նրանից, թե ինչ անուն կընտրվի վերջնական արդյունքում, բացարձակապես պարզ է, որ նման համաձայնագրի միջուկը կլինի պատժամիջոցների վերացումը։ Դրա դիմաց Իրանը քայլեր կձեռնարկի՝ ապահովելու, որ իրանական միջուկային ծրագիրը երբեք այլևս չուղղվի ռազմականացման», – դիվանագետի խոսքերն է մեջբերել Արտաքին գործերի նախարարության մամուլի ծառայությունը։
Բաղայիի խոսքով՝ «այս երկու բաղադրիչները ցանկացած համաձայնագրի հիմքն են, որը կարող է քննարկվել և ընդունվել երկու կողմերի կողմից»։
Իրանի և ԱՄՆ պատվիրակությունների միջև հանդիպումների նոր փուլը տեղի կունենա փետրվարի 26-ին Ժնևում։
