Իրանի արտաքին գործերի նախարար Աբբաս Արաղչին և Կատարի վարչապետ և արտաքին գործերի նախարար Շեյխ Մոհամմեդ բին Աբդուլռահման ալ Թանին հեռախոսազրույց են ունեցել՝ քննարկելու Թեհրանի և Վաշինգտոնի միջև միջուկային բանակցությունները։
Իրանական «Թասնիմ» լրատվական գործակալության հաղորդմամբ՝ երկու կողմերը քննարկել են Իրանի և Միացյալ Նահանգների միջև անուղղակի բանակցությունների ընթացքը՝ ընդգծելով «շարունակական խորհրդակցությունների և համագործակցության անհրաժեշտությունը՝ տարածաշրջանային համագործակցության շրջանակներում դիվանագիտական ուղին հեշտացնելու և առաջ մղելու համար»։
Օմանի հետ մեկտեղ, Կատարը Թեհրանի և Վաշինգտոնի միջև երկխոսության հիմնական միջնորդն է։
