ԱՄՆ նախագահ Դոնալդ Թրամփը հայտարարել է, որ Իրանը պետք է բանակցի և «արդար գործարք» կնքի Միացյալ Նահանգների հետ։ Նա այս հայտարարությունն արել է Սպիտակ տանը տեղի ունեցած մամուլի ասուլիսի ժամանակ։ Նրան հարցրել են, թե ինչ ուղերձ կցանկանար փոխանցել իրանցի ժողովրդին։
«Նրանք ավելի լավ է բանակցեն արդար գործարքի շուրջ», - կարճ պատասխանել է նա։ Փետրվարի 17-ին Ժնևում տեղի է ունեցել ԱՄՆ-Իրան միջուկային բանակցությունների երկրորդ փուլը, որը կազմակերպվել էր Օմանի միջնորդությամբ։ Իրանի արտաքին գործերի նախարարությունը հայտարարել է մի շարք հարցերի շուրջ փոխըմբռնման մասին, որոնք կարող են ներառվել ապագա համաձայնագրի նախագծում։
Վաշինգտոնը հայտարարել է, որ խորհրդակցությունները լավ են անցել, սակայն Թեհրանը դեռևս պատրաստ չէ ընդունել Սպիտակ տան կողմից ուրվագծված մի քանի դիրքորոշումներ։
Նախկինում ԱՄՆ-ն և Իսրայելը պնդում էին, որ Իրանը հրաժարվի ոչ միայն իր միջուկային ծրագրից, այլև բալիստիկ հրթիռների արտադրությունից և Մերձավոր Արևելքում իրանամետ ուժերին աջակցելուց։
