Միացյալ Նահանգները քննարկում է Իրանի գերագույն առաջնորդ Ալի Խամենեիի և նրա որդու սպանության հարցը, փետրվարի 20-ին հայտնել է Axios-ը՝ հղում անելով աղբյուրներին։
Աղբյուրի փոխանցմամբ՝ ԱՄՆ վարչակազմը «պատրաստ է քննարկել առաջարկ, որը Իրանին կտա «խորհրդանշականորեն» հարստացնել ուրանը, եթե դա նրան զրկի ռումբ արտադրելու հնարավորությունից»։
Այսպիսով, Axios-ը նշում է, որ Վաշինգտոնի և Թեհրանի միջև համաձայնության հասնելու համեստ հնարավորություն է ի հայտ գալիս։
«Միևնույն ժամանակ, ԱՄՆ նախագահ Դոնալդ Թրամփին առաջարկվել են ռազմական տարբերակներ, այդ թվում՝ Գերագույն առաջնորդի դեմ ուղղակի մահափորձ», - նշում է լրատվամիջոցը՝ հավելելով, որ նման տարբերակը կներառի նաև «Խամենեիի որդու վերացումը, որը համարվում է նրա հնարավոր իրավահաջորդը»։
Լրատվամիջոցի աղբյուրները ընդգծում են, որ Իրանի նկատմամբ ԱՄՆ հետագա գործողությունների վերաբերյալ վերջնական որոշում դեռևս չի կայացվել։
