Միացյալ Նահանգները չի խնդրել Իրանին ընդմիշտ հրաժարվել ուրանի հարստացումից, հայտարարել է Իրանի արտաքին գործերի նախարար Աբբաս Արաղչին։
«Այս ենթադրությունները չեն համապատասխանում իրականությանը։ Մենք չենք առաջարկել ուրանի հարստացման որևէ կասեցում։
Միացյալ Նահանգները չի խնդրել զրոյական հարստացում», - ասել է նա MSNBC-ին տված հարցազրույցում, երբ խնդրել են մեկնաբանել այն տեղեկությունները, որ Իրանը, իբր, առաջարկել է ուրանի հարստացման երկու-երեք տարվա կասեցում, մինչդեռ Միացյալ Նահանգները պահանջում է լիակատար հրաժարում։
