Հունգարիայի վարչապետ Վիկտոր Օրբանն ասել է, որ չի վախենում խորհրդարանական ընտրություններում պարտվելուց, քանի որ 16 տարի եղել է ընդդիմության մեջ։
«Ես 16 տարի եղել եմ ընդդիմության առաջնորդ։ Ի՞նչ է դա նշանակում։ Դա նշանակում է, որ երբեմն պարտվում եմ, երբեմն՝ հաղթում։ Այնպես որ, մի վախեցեք, թե ինչ կլինի, եթե չհաղթենք, քանի որ դա այստեղ պարբերաբար տեղի է ունեցել, առնվազն չորս անգամ։ Մի վախեցեք, թե ինչ կլինի Հունգարիայում», - ասել է Օրբանը ԱՄՆ պետքարտուղար Մարկո Ռուբիոյի հետ մամուլի ասուլիսում։
Նա ասել է, որ հունգարական ժողովրդավարությունը «շատ ուժեղ է», և ներկայիս կառավարությունը «հավատում է քաղաքական մրցակցությանը, ինչպես դա արել է 35 տարի շարունակ»։
