ԱՄՆ պետքարտուղար Մարկո Ռուբիոն երկուշաբթի օրը հայտարարել է, որ Միացյալ Նահանգները խելագարություն է համարում Չինաստանի հետ հարաբերություններից հնարավոր խզումը՝ հաշվի առնելով նրա տնտեսական և ռազմական ներուժը։
«Դա աշխարհի երկրորդ խոշորագույն տնտեսությունն է, այն ունի միջուկային զենք։ Խելագարություն կլինի, անհավանական, որ Միացյալ Նահանգները և Չինաստանը չպահպանեն հարաբերությունները և չհամագործակցեն միմյանց հետ», - ասել է նա Հունգարիայի վարչապետ Վիկտոր Օրբանի հետ համատեղ մամուլի ասուլիսի ժամանակ։
Ռուբիոն ընդգծել է, որ Վաշինգտոնը չի պահանջում, որ մյուս երկրները մեկուսանան Պեկինից և մտադիր է կարգավորել Չինաստանի հետ առկա տարաձայնությունները՝ հիմնվելով ազգային շահերի վրա։ Նա ասել է, որ մեկ տնտեսության վրա չափազանց կախվածությունը, հատկապես կարևոր մատակարարման շղթաներում, «լավ գաղափար չէ», և, հետևաբար, ԱՄՆ-ը պաշտպանում է դիվերսիֆիկացիան։
Պետքարտուղարը նաև նշել է, որ երկու կողմերն էլ նախկինում փոխըմբռնման են հասել Պեկինի հետ մի շարք առևտրային հարցերի շուրջ։
