Խայբեր-Պախտունխվա հյուսիսարևմտյան նահանգում ինքնաշեն ռումբի պայթյունի հետևանքով զոհվել է առնվազն երկու մարդ, ևս 14-ը վիրավորվել են, հաղորդում է The Express Tribune-ը՝ հղում անելով ոստիկանությանը։ Բաննու շրջանի ոստիկանական բաժանմունքի մոտ պայթեցվել է կայանված մոտոցիկլետի վրա տեղադրված պայթուցիկ սարք։
Զոհվածներն ու վիրավորները քաղաքացիական անձինք են, իսկ իրավապահ մարմինների աշխատակիցների շրջանում զոհեր չկան։ Երկուշաբթի օրը Խայբեր-Պախտունխվա նահանգում գործող ահաբեկիչները պայթեցրել են Թանկ շրջանում գտնվող կամուրջը։ Մայրուղու երթևեկությունը խափանվել է։ Հարձակումներից տուժած տարածքներ են տեղակայվել լրացուցիչ անվտանգության ուժեր՝ նահանգում հակաահաբեկչական գործողություններին աջակցելու համար։ Այս գործողությունները Պակիստանի հյուսիսարևմտյան մասում շարունակվում են փետրվարի 6-ին Իսլամաբադում տեղի ունեցած ահաբեկչական հարձակումից հետո, որի հետևանքով զոհվել է ավելի քան 30 մարդ։
Պարզվել է, որ հարձակման կազմակերպիչը կապված է եղել «Իսլամական պետություն» (Ռուսաստանում արգելված) ահաբեկչական խմբավորման հետ և վերապատրաստվել է Աֆղանստանում։
