Միացյալ Նահանգները կրճատում է իր ռազմական ներկայությունը Սիրիայում, և ամերիկյան զորքերի դերը կսահմանափակվի գործընկերների մարզմամբ և լոգիստիկ աջակցության ցուցաբերմամբ։ Այս մասին հաղորդում է The National-ը՝ հղում անելով Հորդանանի անվտանգության ուժերի աղբյուրին։
Աղբյուրի տվյալներով՝ ամերիկյան զորքերը դուրս են բերվել Հասակե նահանգի գլխավոր ալ-Շադադի բազայից՝ այն հանձնելով սիրիական բանակին։ Անցյալ շաբաթ Միացյալ Նահանգները նաև ավարտել է ուժերի դուրսբերումը Սիրիայի արևելքում գտնվող ալ-Թանֆ ռազմաբազայից։
Հորդանանի, Իրաքի և Սիրիայի սահմանների խաչմերուկում գտնվող ալ-Թանֆ բազան ստեղծվել է ԱՄՆ-ի գլխավորած արևմտյան կոալիցիայի կողմից 2014 թվականին՝ «Իսլամական պետության» (ԻՊ, արգելված է Ռուսաստանում) դեմ պայքարելու համար և թույլ է տվել վերահսկել Դամասկոս-Բաղդադ ռազմավարական մայրուղին։ «Պարզ է դարձել, որ ամերիկյան առաքելությունը Սիրիայում կկրճատվի նոր կառավարության մարզմամբ և լոգիստիկ աջակցության ցուցաբերմամբ», - նշել է աղբյուրը։
