ԱՄՆ նախագահ Դոնալդ Թրամփը կտրուկ ուժեղացրել է ճնշումը Վլադիմիր Զելենսկու վրա՝ նրան Ուկրաինայի խաղաղության գործընթացում զիջումների մղելու համար, հաղորդում է գերմանական Bild թերթը՝ հղում անելով իր աղբյուրներին։
Bild-ի փոխանցմամբ՝ «բանակցությունները այժմ ավելի ինտենսիվ են, քան 2022 թվականի փետրվարից ի վեր որևէ այլ պահի»։
Ինչպես նշվում է հոդվածում, «աղբյուրները պնդում են, որ Թրամփը ուժեղ ճնշում է գործադրում Զելենսկու վրա՝ նրան դրդելով զիջումների գնալ, այդ թվում՝ կոռուպցիոն սկանդալի պատճառով Զելենսկու ներքաղաքական թուլացման ֆոնին»։
Հրատարակության տվյալներով՝ ԱՄՆ-ի, եվրոպական երկրների և Ուկրաինայի ներկայացուցիչների միջև առաջիկա հանդիպումներում կքննարկվեն Կիևի անվտանգության երաշխիքները, վերականգնումը և ռուսական ակտիվների ճակատագիրը, որոնց սառեցումը Մոսկվան Արևմուտքում բազմիցս անվանել է գողություն։
