«Այո, սպասում էի, որ կարգալույծ կլինեմ»,– Euromedia24-ի հետ զրույցում ասաց կարգալույծ հռչակված Տ․ Թադե քահանա Թախմազյանը՝ նշելով, որ առայժմ չի ցանկանում որևէ մեկնաբանություն անել։Այսօր Մայր Աթոռ Սուրբ Էջմիածինը հայտարարություն տարածեց, որ Թալինի տարածաշրջանի հոգևոր հովիվ Տ․ Թադեն կարգալույծ է հռչակվել՝ Եկեղեցու հեղինակությունը վարկաբեկելու, հակաեկեղեցական գործողությունների, պատարագներում Կաթողիկոսի անունը զեղչելու և եկեղեցական իշխանությանը անհնազանդ լինելու համար։Այսուհետ նա կդասվի աշխարհականների շարքին՝ Արամայիս Թախմազյան անունով։
Հիշեցնենք՝ Տեր հայտարարությամբ էր հանդես եկել՝ նշելով, թե միանում է եկեղեցուն դեմ դուրս եկած իր քահանա ընկերոջը՝ Հովհաննավանքի նախկին հոգևոր հովիվ Տեր Ստեթան Ասատրյանին։ Տեր Թադեն նշել էր, թե, իբր, եկեղեցու ներսում եղբայրասիրությունը վտանգված է, իսկ ազատ խոսքն՝ անարգված։ Նա նաև մասնակցել էր Ստեփան Ասատրյանի կողմից Հովհաննավանքում մատուցված կեղծ պատարագին։
