Եվրոպայում ամերիկյան զորքերի ընդհանուր թիվը մնում է անփոփոխ՝ չնայած Ռումինիայից ամերիկյան զորքերի մի մասի վերջերս դուրսբերմանը։ Այս մասին հայտարարել է ԱՄՆ նախագահ Դոնալդ Թրամփը՝ Սպիտակ տանը Հունգարիայի վարչապետ Վիկտոր Օրբանի հետ հանդիպման սկզբում լրագրողների հարցերին պատասխանելիս։
«Մենք փոփոխություններ ենք կատարում։ Մենք տեղափոխում ենք զորքերը։ Այնուամենայնիվ, մենք խոսում ենք նույն թվերի մասին, դրանք անփոփոխ են մնում», - ասել է ամերիկացի առաջնորդը՝ մեկնաբանելով Ռումինիայից ամերիկյան զորքերի դուրսբերումը։
Իր հերթին, ԱՄՆ ռազմական նախարար Փիթ Հեգսեթը վստահեցրել է, որ «չկա ոչինչ, որը չի համաձայնեցվել Սպիտակ տան հետ»։
