Նեպալում Պանբարի գագաթը բարձրանալու ժամանակ երկու իտալացի լեռնագնաց է մահացել, երեքշաբթի օրը հայտնել է Իտալիայի արտաքին գործերի նախարարությունը։
«Հոկտեմբերի 31-ից, ուրբաթ օրվանից, կապը կորել է երկու իտալացի լեռնագնացների՝ Ալեսանդրո Կապուտոյի և Ստեֆանո Ֆարոնատոյի հետ, որոնք բարձրանում էին Նեպալի Պանբարի գագաթը։ Տեղական իշխանությունները հաստատել են նրանց մահը այսօր առավոտյան», - ասվում է Արտաքին գործերի նախարարության հայտարարության մեջ։
Իտալացիները 5000 մետր բարձրության վրա հայտնվել են առատ ձյան մեջ։ Գագաթնակետի բարձրությունը 6887 մետր է։
Արտաքին գործերի նախարարության տվյալներով՝ Ֆարոնատոյի և Կապուտոյի հետ մեկտեղ անհետացել են նաև այլ իտալացիներ, և նրանց որոնողական աշխատանքները շարունակվում են։ Կալկաթայում Իտալիայի գլխավոր հյուպատոսությունը հետևում է իրավիճակին։
