Ֆրանսիայում ձերբակալվել է Լուվրի թանգարանի կողոպուտի գործով ևս հինգ կասկածյալ, հաղորդում է RTL ռադիոն։
«RTL-ի դատական աղբյուրների համաձայն՝ Լուվրի կողոպուտի հետաքննության շրջանակներում ձերբակալվել է հինգ նոր կասկածյալ», - ասվում է հայտարարության մեջ։
Նախորդ երեկոյան նրանք միաժամանակ ձերբակալվել են Փարիզի տարբեր վայրերում։ Ռադիոկայանը պարզաբանել է, որ գողացված զարդերը չեն հայտնաբերվել։
Հոկտեմբերի 19-ին Լուվրում տեղի է ունեցել աղմկահարույց կողոպուտ։ Հանցագործները Նապոլեոնի և կայսրուհի Ժոզեֆինայի հավաքածուից գողացել են ինը զարդեր՝ թագեր, ականջօղեր, վզնոցներ և կրծքազարդեր, որոնք պատկանել են Ֆրանսիայի թագուհիներին և կայսրուհիներին։
Ցուցանմուշներից մեկը՝ կայսրուհի Եվգենիա դե Մոնտիժոյի վնասված թագը, գտնվեց և վերադարձվեց թանգարան։ Վնասը գնահատվում է 88 միլիոն եվրո։
