Նախագահ Վլադիմիր Պուտինը հայտարարել է, որ նախօրեին Ռուսաստանն առանց անձնակազմի միջուկային էներգետիկ կայանքով ստորջրյա «Պոսեյդոն» սարք է փորձարկել:
Այդ մասին նա խոսել է Մանդրիկայի անվան ռազմական կլինիկական հոսպիտալ Ուկրաինայի պատերազմի վիրավորներին այցի ժամանակ: Կրեմլի ղեկավարը պնդել է, որ միջուկային կայանքով սարքը եզակի է շարժման արագությամբ ու խորությամբ, այն հնարավոր չէ կանգնեցնել:
Նոր զինատեսակի մասին ՌԴ նախագահի հայտարարությունը հետևել է կիրակի «Բուրեվեստնիկ» միջուկային թևավոր հրթիռի փորձարկումների մասին հայտարարությանը։
Ավելի վաղ ԱՄՆ նախագահ Դոնալդ Թրամփը Պուտինին խորհուրդ էր տվել դադարեցնել պատերազմն Ուկրաինայում, այլ ոչ թե փորձարկել հրթիռներ։
