Սիրիայի և Իսրայելի պատվիրակությունների միջև համատեղ անվտանգության կարգավորումների մշակման շուրջ բանակցությունները մոտենում են ավարտին, հաղորդում է «Ալ Արաբիան»՝ հղում անելով դիվանագիտական աղբյուրներին։
Նրա խոսքով՝ կողմերը մոտ են համաձայնագրի կնքմանը, որը կկարգավորի Սիրիայի հարավում, այդ թվում՝ դրուզներով բնակեցված Աս-Սուվեյդա նահանգում ստեղծված իրավիճակը։
Ինչպես նշում է հեռուստաալիքը, ԱՄՆ միջնորդությունը նպաստել է տարաձայնությունների հաղթահարմանը։
Առաջիկա երկկողմ համաձայնագիրը, որոշ աննշան փոփոխություններով, իր հիմնական առանձնահատկություններով նման կլինի 1974 թվականին Գոլանի բարձունքներից իսրայելական և սիրիական ուժերի դուրսբերման մասին համաձայնագրին։
Մասնավորապես, փաստաթուղթը նախատեսում է սիրիական, ամերիկյան և իսրայելական համատեղ ներկայություն Սիրիայի հարավային մի քանի կետերում, այդ թվում՝ Լիբանանին սահմանակից լեռնային շրջանում գտնվող Հերմոն լեռան վրա (Ջեբել էլ-Շեյխ):
