ԱՄՆ վարչակազմը կկարողանա վճարել որոշ զինծառայողների աշխատավարձերը արդեն հոկտեմբերի 31-ից, չնայած դաշնային կառավարության աշխատանքի դադարեցմանը։ Այս մասին լրագրողներին հայտնել է ԱՄՆ փոխնախագահ Ջ.Դ. Վենսը։
«Մենք կարծում ենք, որ կարող ենք շարունակել վճարել մեր զորքերին ուրբաթ օրը», - ասել է նա լրագրողներին Վաշինգտոնում՝ հանրապետական սենատորների հետ ճաշից հետո, հաղորդում է Politico-ն։
«Ցավոք, մենք չենք կարողանա վճարել բոլորի աշխատավարձը, քանի որ դեմոկրատները մեզ շատ դժվարին դրության մեջ են դրել», - հավելել է նա։
Ինչպես նշում է հրատարակությունը, այս ամսվա սկզբին Պենտագոնը աշխատավարձ է վճարել զինծառայողներին՝ օգտագործելով հետազոտությունների և զարգացման համար հատկացված միջոցները: Սակայն ԱՄՆ փոխնախագահը չի մանրամասնել, թե այս անգամ ինչպես է վճարվելու աշխատավարձը:
