ԱՄՆ-ը այս շաբաթ հրթիռներ կմատակարարի Ճապոնիայի ռազմաօդային ուժերի F-35 կործանիչներին, հայտարարել է ԱՄՆ նախագահ Դոնալդ Թրամփը՝ ելույթ ունենալով Կանագավա պրեֆեկտուրայի Յոկոսուկա ավիաբազայում տեղակայված USS George Washington միջուկային ավիակիրի անձնակազմի առջև։
«Ուրախ եմ հայտարարել, որ հենց նոր հաստատել եմ հրթիռների առաջին խմբաքանակը։ Դրանք լավագույնն են աշխարհում։ Ոչ ոք չունի դրանք մեր նման։ Բոլորն ուզում են մեր հրթիռները։ Սա է խնդիրը։ Բոլորն են ուզում դրանք։ Բայց սա հրթիռների առաջին խմբաքանակն է, որը կմատակարարվի Ճապոնիայի ինքնապաշտպանության ուժերին (Ճապոնիայի զինված ուժերի անվանումը՝ ՏԱՍՍ-ի նշում) ճապոնական F-35-ների համար։ Եվ դրանք կհասնեն այս շաբաթ՝ նախատեսվածից շուտ», - ասել է պետության ղեկավարը։
Նա հավելել է, որ իրեն հաջողվել է «գրկել» մի քանի արկեր։ «Դուք տեսաք, թե ինչպես դրանցից մի քանիսը ժամանեցին ինձ հետ։ Ես գրկեցի նրանց», - ասել է Թրամփը։
