Գերմանիայի նախկին կանցլեր Անգելա Մերկելը հրավեր չի ստացել Գերմանիայի ներկայիս վարչապետ Ֆրիդրիխ Մերցի ծննդյան օրվա ընդունելությանը, հայտնում է DPA լրատվական գործակալությունը։
Մերցը նշում է իր ծննդյան օրը նոյեմբերի 11-ին՝ դառնալով 70 տարեկան, ինչը նրան դարձնում է Գերմանիայի ամենատարեց գործող կանցլերը Կոնրադ Ադենաուերից հետո, ով հրաժարական տվեց 1963 թվականին՝ 87 տարեկան հասակում։
Քրիստոնեա-դեմոկրատական և Քրիստոնեա-սոցիալական միության խորհրդարանական խմբակցությունը Բունդեսթագում կկազմակերպի հանդիսավոր ընդունելություն։
Հրավիրված կլինի մոտ 300 հյուր, այդ թվում՝ խորհրդարանի անդամներ և պահպանողական դաշինքի տարածաշրջանային առաջնորդներ։
«Մենք նման հրավեր չենք ստացել։ Ամեն դեպքում, նախկին կանցլերի մասնակցությունը անհնար կլիներ, քանի որ նա արտասահման է մեկնելու», - գործակալությանը հայտնել է Մերկելի մամուլի խոսնակը։
