ԱՄՆ Ազգային գվարդիայի ստորաբաժանումների ներկայությունը Վաշինգտոնում, որոնք մայրաքաղաքում են տեղակայված հանցագործության դեմ պայքարի համար, կարող է երկարաձգվել մինչև 2026 թվականի ամառը, հաղորդում է ABC-ն։
Հեռուստաալիքի աղբյուրների կողմից ձեռք բերված փաստաթղթերի համաձայն՝ Ազգային գվարդիայի առաքելությունը, որի ժամկետը լրանում է նոյեմբերի վերջին, կարող է երկարաձգվել մինչև 2026 թվականի ամառը։ Սա կապված է ԱՄՆ անկախության 250-ամյակի հետ, որը կնշվի 2026 թվականի հուլիսի 4-ին։
Օգոստոսի 11-ին ԱՄՆ նախագահ Դոնալդ Թրամփը հայտարարեց մայրաքաղաքում Ազգային գվարդիայի զորքեր տեղակայելու մասին՝ հանցագործության դեմ պայքարելու համար: Նախագահը նաև քաղաքի ոստիկանական ուժերը դրեց դաշնային վերահսկողության տակ և առաջարկեց, որ անհրաժեշտության դեպքում զինված ուժերը կարող են կանչվել Վաշինգտոնում անվտանգությունն ապահովելու համար:
