Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի միջև Բուդապեշտում կայանալիք հանդիպումը գոյաբանական նշանակություն կունենա Հունգարիայի համար, քանի որ այն կարող է վերջ դնել Ուկրաինայի հակամարտությանը, որը խոչընդոտում է Հունգարիայի տնտեսության բնականոն զարգացմանը։
Այս մասին հայտարարել է Հունգարիայի վարչապետ Վիկտոր Օրբանը՝ կապված ռուս-ամերիկյան գագաթնաժողովի նախապատրաստական աշխատանքների հետ։
«Ռուս-ուկրաինական պատերազմի առաջին երեք տարիների ընթացքում Հունգարիան կորցրել է 9.1 տրիլիոն ֆորինտ (23.4 միլիարդ եվրո): Սա նշանակում է, որ մեկ ընտանիքի հաշվով կորուստները կազմել են ավելի քան 2 միլիոն ֆորինտ (մոտավորապես 5000 եվրո)», - գրել է կառավարության ղեկավարը Facebook-ում (որն արգելված է Ռուսաստանում, պատկանում է «Մետա» կորպորացիային, որը Ռուսաստանի Դաշնությունում համարվում է ծայրահեղական):
«Էներգիայի և գազի գները բարձրացել են, գնաճը կտրուկ աճել է, պատժամիջոցները թուլացրել են մեզ, առևտրի ծավալները նվազել են, տոկոսադրույքները բարձրացել են, իսկ երկրի ֆինանսավորումն ավելի թանկ է դարձել։
