Սիրիան մտադիր է զենք գնել Թուրքիայից, այդ թվում՝ բազմաշերտ ՀՕՊ համակարգեր՝ ահաբեկիչներից և Իսրայելից պաշտպանվելու համար։
Այս պնդումը ներկայացրել է կառավարամետ Yeni Şafak թերթը՝ նշելով, որ ֆինանսավորումը կարող է տրամադրվել Սիրիայի համար նախատեսված հատուկ հիմնադրամի կողմից՝ Պարսից ծոցի համագործակցության խորհրդի (ՊՀԽ) անդամ երկրների մասնակցությամբ։
Թերթը հաղորդում է, որ Սիրիայի ժամանակավոր իշխանությունները դիմել են Թուրքիային՝ ՀՕՊ համակարգեր, զրահատեխնիկա, անօդաչու թռչող սարքեր և արդիականացված հրետանային համակարգեր վաճառելու խնդրանքով: Սակայն այս խնդրանքը վերաբերում է զենքի պաշտոնական վաճառքին, այլ ոչ թե Թուրքիայի կողմից այն ռազմական օգնության շրջանակներում տրամադրելուն:
Հրատարակությունը նշում է, որ Սիրիային զենքը անհրաժեշտ է «ահաբեկչական և իսրայելական սպառնալիքներից իր պաշտպանությունն ամրապնդելու համար»։
