Մեքսիկայի կենտրոնական և հարավային շրջաններում ջրհեղեղների և սողանքների հետևանքով ավելի քան 30 մարդ զոհվել կամ անհետ կորել է, հայտնել են մի քանի նահանգների իշխանությունները։
«Մենք ունենք ութ մահ Տենանգո դե Դորիայում, ևս ութը՝ Զակուալտիպանում։ Սա ներկայիս թիվն է», - մամուլի ասուլիսի ժամանակ ասել է Իդալգո նահանգի նահանգապետ Խուլիո Մենչակա Սալազարը։
Պուեբլա նահանգի կառավարության տվյալներով՝ աղետը խլել է առնվազն հինգ մարդու կյանք։ Ուաչինանգո մունիցիպալիտետում սողանքից հետո ութ մարդ դեռևս անհետ կորած է համարվում, ինչը ենթադրում է, որ զոհերի թիվը կարող է աճել։
Վերակրուսի նահանգապետ Ռոսիո Նալեն հայտնել է, որ Կասոնես գետի ափերից դուրս գալուց հետո երկու մարդ զոհվել է, մի քանիսը անհետ կորել են՝ Պոսա Ռիկա քաղաքի մեծ մասը ջրհեղեղի ենթարկելով։
